ઊંઘ પણ આવે નહીં ને સ્વપ્ન પણ આવે નહીં, સાવ સામે તું હતી ને તું ય બોલાવે નહીં. - ‘ઇર્શાદ’ ચિનુ મોદી

ઊંઘ પણ આવે નહીં ને સ્વપ્ન પણ આવે નહીં
સાવ સામે તું હતી ને તું ય બોલાવે નહીં
 
હું કહું છું-લાવ તરા હાથમાં મહેંદી મૂકું
એ છતાં યે તું હથેળી કેમ લંબાવે નહીં
 
હું સુગંધીરૂપ છું એ કેમ સમજાવું તને?
પુષ્પની માફક પ્રકટ રહેવું મને ફાવે નહીં
 
વેલ સૂકાતી રહી ને વૃક્ષ એકલતા સહે
એક-બીજાની નિકટ આવી શકે, આવે નહીં
 
આપણી વચ્ચે ‘ઇર્શાદ’ આડી ભીંત છે
હું યે ઓળંગી શકું ને તું યે તોડાવે નહીં
 
- ‘ઇર્શાદ’ ચિનુ મોદી